Do 18 ó 21 de novembro, o programa InLugo, impulsado pola Deputación provincial, levou a cabo en O Incio dous cursos divulgativos sobre as aplicacións das TIC na mellora da calidade de vida dos nosos maiores. Baixo os títulos “Atréveste con Internet? Axudámosche” e “Xogamos coa mente”, os participantes aprenderon os fundamentos básicos de Internet para poder acceder a toda a súa información e desenvolver tarefas como pedir cita no médico, comunicarse cos seus familiares ou consultar o tempo. Este manexo básico das TIC permite tamén previr o deterioro cognitivo mediante o emprego do ordenador e as múltiples posibilidades que ofrecen a rede e as novas tecnoloxías.
