A comezos deste mes, Ricardo Rodicio e Xosefa Rodríguez, membros do Consello Comarcal do BNG, fixeron entrega na oficina de servizos sociais de Brollón dos 45 quilos de alimentos non perecedoiros doados polo BNG de A Pobra do Brollón, con destino ás familias máis necesitadas do municipio, dentro da campaña Nadal Solidario desenvolvida polo Concello de Brollón. Ademais, e dentro desta mesma iniciativa municipal, o Concello de Brollón fixo entrega de cheques ás familias máis necesitadas para canxear nos supermercados locais, antes do 31 de decembro, por alimentos de primeira necesidade. Así, o Goberno local de Brollón “quere estar ó lado dos máis desfavorecidos, apostando por políticas sociais que palíen as necesidades das persoas que máis o precisan”. (Foto cedida).
