As actividades culturais do Concello de Quiroga para as festas de Nadal comezan o día 20, coa videoconferencia con Papá Noel que poden seguir os cativos a partir das 12,30 horas no Telecentro. O sábado 21 terá lugar o Concerto de Nadal, no Auditorio Municipal dende as 19 horas, coa actuación da Coral Polifónica de Quiroga, o Grupo de Danzas e da Banda de Gaitas San Martiño de Quiroga, e o Grupo de Danzas Arume de Queiruga, coa participación do Grupo de Alumnos das clases de música organizadas dende as Áreas de Educación e Xuventude do Concello. Durante a celebración deste evento, realizarase a entrega dos premios do Concurso de Postais e do IV Certame de Relato Curto, organizados polas Áreas de Xuventude e Educación. Xa o domingo 22, haberá títeres no Auditorio Municipal, coa representación de “O Crebanoces”, en colaboración coa Rede de Dinamización Lingüística. O teatro será o protagonista o día 27, coa representación da obra “Avós…nunca é tarde”, a cargo do Grupo de Teatro do Centro Social, en colaboración coa Área de Igualdade. Entre outras actividades, destaca a celebración, o 4 de xaneiro, do Concerto Didáctico de Zanfona a cargo de Víctor Soto, a Cabalgata de Reis do día 5, a ludoteca de Nadal, o tradicional Campionato de Fútbol e os diversos campionatos que se organizan nos diversos establecementos e pubs da vila.
Últimas noticias sobre CULTURA
Con este título, a fotógrafa e veterinaria Tamara Lebón, mostra na Casa de Cultura Lois Pereiro
A Antiga Prisión Preventiva de Sarria, hoxe sede da Oficina Municipal de Turismo, abriu as súas
Adrián Enríquez presentou o seu libro ‘Despertar en la oscuridad’ en Bóveda este sábado, nun evento
Terán lugar os días 6 e 7 de maio, e supoñen un punto de encontro entre