As parroquias de Pantón están a mellorar a súa rede de saneamento en diversos puntos.
O NÚCLEO DE O BARRIO XA DISPÓN DE REDE DE SANEAMENTO
A finais de novembro quedaban completados as obras na parroquia de Eiré, que posibilitaron a creación desta rede no núcleo de O Barrio, que carecía deste servizo, e comunicala coa depuradora de Eiré. O importe destes traballos foi de 335.000 euros, financiados pola Consellería de Medio Ambiente, Territorio e Infraestruturas.
ESTACIÓN DEPURADORA E REDE DE COLECTORES EN TOIRIZ
Asimesmo, están en marcha as obras para a mellora do saneamento na parroquia de Santa María de Toiriz. Os traballos neste punto consisten na instalación dunha rede de catro quilómetros de colectores, en distintos tramos e dotados dos correspondentes pozos de rexistro, e a construcción dunha estación depuradora de augas residuais, que estará preparada para proceder a un desbaste previo, decantación primaria, tratamento biolóxico e decantación secundaria, según explicaron os responsables da Consellería de Medio Ambiente, Territorio e Infraestruturas. Foi precisamente este departamento autonómico o que financiou estes traballos, cun investimento de 450.689 euros.
AS OBRAS DE TOIRIZ ESTARÁN REMATADAS NA PRÓXIMA PRIMAVERA
Para coñecer a evolución destes traballos, o pasado 9 de novembro a delegada territorial da Xunta en Lugo, Raquel Arias, visitou as obras de Toiriz, acompañada do alcalde de Pantón, José Luis Álvarez. Durante a súa visita, Arias destacou a importancia desta actuación, que facilitará un incremento da calidade ambiental desta zona, e anunciou que a Xunta espera ter rematada esta obra na próxima primavera. Raquel Arias suliñou tamén que estas obras beneficiarán a 220 veciños, e que a construcción desta nova depuradora permitirá acometer as seguintes fases do saneamento na contorna aproveitando esta infraestrutura.•
Cargando ...
