O alumnado de Italiano da Escola Oficial de Idiomas de Monforte participou o pasado 16 de decembro nunha singular experiencia formativa. A pedagoga teatral e experta en comunicación Liana Vella, de Turín, desenvolveu un obradoiro de teatro e cociña italiana. Baixo o título “Tiramisu Gramma-Teatrale”, e a través das metodoloxías da Pedagoxía teatral e o Teatro Social, os alumnos e alumnas elaboraron alí mesmo e representaron unha divertida obra de teatro colectiva a partir da receita do famoso doce italiano, que despois foi preparado polos participantes. Unha divertida e sabrosa experiencia que sen dúbida non esquecerán.
Cargando ...
