Completados os traballos de acondicionamento no centro urbano de Sober

O aspecto do centro da capitalidade de Sober ven de experimentar unha fonda remodelación, coa mellora e acondicionamento da rúa Comercio. EC.

O Concello de Sober rematou recentemente as obras de mellora integral da Rúa do Comercio, ás que destinou un orzamento de 81.000 euros, financiado nun 75% pola Consellería de Economía e Industria a través da liña de subvencións para o comercio de proximidade. O alcalde de Sober, Luis Fernández Guitián, explicou que esta actuación “redunda en beneficio da imaxe da vila e mellora o seu aspecto de maneira substancial, un feito do que poderán desfrutar todos os veciños e veciñas e os turistas que se acheguen á localidade”. A rúa obxecto de mellora centra a actividade comercial da capitalidade de Sober, e non se acometera nela ningún tipo de reforma nos últimos 50 anos. Os traballos de mellora e acondicionamento incluíron a colocación de novas beirarrúas, un total de 25 prazas de aparcamento, entre elas unha para persoas con mobilidade reducida e tres para taxis, pasos de peóns adaptados, zonas para contedores, bancos, papeleiras e nova iluminación.

A mellora da rúa do Comercio ven a completar o recente acondicionamento da rúa Progreso, arterias da capitalidade soberina. EC.

Según explicaron os responsables municipais, a remodelación na rúa do Comercio tiña como obxectivo a adecuación propia dunha rúa comercial, polo que se pavimentou diferenciando as zonas segundo o seu uso. Así, as zonas peonís pavimentáronse con baldosas de formigón, as de aparcamento para vehículos con adoquín de formigón e a zona de calzada e paso de vehículos con aglomerado en quente. No novo pavimento colocaronse os vaos necesarios segundo a normativa de accesibilidade.

Tamén se incluíron as gábeas necesarias para o soterramento da instalación de alumeado público, renovada na súa totalidade substituíndo as luminarias actuais por outras máis modernas e eficientes para fomentar o aforro enerxético e reducir o consumo. Instalouse mobiliario urbano e sinais verticais de límite de velocidade na zona máis estreita da rúa. Asimesmo, creáronse zonas específicas para a colocación de contedores de residuos sólidos urbanos.•

RENOVACIÓN DAS PORTAS DE ACCESO Á CASA CONSISTORIAL DE SOBER

Imaxe do novo aspecto dos accesos principais á Casa Consistorial de Sober, trala substitución das portas de entrada da fachada. EC.

O alcalde de Sober, Luis Fernández Guitián, e o conselleiro de Presidencia, Administracións Públicas e Xustiza, Alfonso Rueda, asinaron recentemente un convenio de colaboración para a renovación das portas de acceso principal á Casa do Concello, que foron instaladas neste mes. O rexedor destacou a importancia de contar cun consistorio funcional e que “ofreza a mellor das imaxes para os traballadores, os administrados e os visitantes”. O convenio ten como obxectivo básico o cambio das portas de acceso á Casa do Concello, xa que a pesar do importante esforzo económico do Goberno local, este non foi suficiente, polo que se viu obrigado a pedir axuda para realizar o proxecto.

A actuación supón a potenciación e apoio por parte da Xunta á prestación de servizos dos concellos, como administración máis próxima á cidadanía. O proxecto contou cun orzamento total de 6.267,80 euros, dos que a Xunta achegou 6.000 euros. •

Deixa unha resposta

Your email address will not be published.

Nova Anterior

Sarria celebrou o primeiro mercado temático en Nadal

Seguinte Nova

UGT Lemos-Valdeorras atendeu en 2013 un 30% máis de consultas xurídicas

Últimas noticias sobre INFRAESTRUCTURAS

A %d blogueros les gusta esto: