O Pleno do Concello de A Pobra frea a moción do Partido Popular contraria ó Plan de Emprego provincial

Pleno ordinario na Corporación local de A Pobra do Brollón. (Arquivo EC).

O último Pleno municipal do ano 2013 en A Pobra do Brollón rematou co rexeitamento da moción presentada polo Partido Popular en contra do Plan de Emprego da Deputación de Lugo. Nacionalistas, socialistas e independentes frearon co seu voto esta moción que “amosa ben ás claras que o portavoz do grupo conservador defende exclusivamente os intereses do seu partido en detrimento dos desempregados do seu municipio”, según precisaron os voceiros do BNG en Brollón. Os nacionalistas de A Pobra defenderon que o Plan de Emprego do organismo provincial “pretende paliar a escandalosa cacicada dos Obradoiros de Emprego da Xunta de Galicia, que fixo caer en mans dos concellos gobernados polo PP 19 dos 21 obradoiros que correspondían á provincia”. Asimesmo, dende o BNG de A Pobra lembraron que o último obradoiro de emprego desenvolvido neste concello “foi concedido polo Goberno bipartito, aínda que estivese gobernando o Concello o Partido Popular; velaí a diferencia”.

Deixa unha resposta

Your email address will not be published.

Nova Anterior

Cambios na representación nacionalista na Corporación local de O Incio

Seguinte Nova

Os socialistas de Chantada donaron 2.000 euros en alimentos para familias necesitadas do concello

Últimas noticias sobre INICIATIVAS

A %d blogueros les gusta esto: