Sarria celebrou o primeiro mercado temático en Nadal

Na renovada Praza de Abastos

A delegada territorial da Xunta en Lugo, Raquel Arias, visitou a renovada praza de abastos de Sarria durante a celebración do primeiro Mercado de Nadal, acompañda polo alcalde de Sarria, José Antonio García. GPDTL

A renovada Praza de Abastos de Sarria acolleu en decembro o primeiro mercado temático, adicado ós produtos tradicionais da gastronomía do Nadal. Os consumidores que visitaron a praza de abastos disfrutaron dos diversos tipos de doces, viño, mel, queixos e pan nos stands do mercado temático, nos que se celebraron degustacións durante toda a xornada. Os visitantes tamén puideron facer as súas compras nos habituais postos de froitas, verduras e produtos de consumo habitual deste remozado recinto comercial.

AS PRAZAS DE ABASTOS, DINAMIZADORAS DO COMERCIO LOCAL

A delegada territorial da Xunta en Lugo, Raquel Arias, achegouse ata Sarria para coñecer de primeira man as novas instalacións da praza, e visitar os postos do mercado temático, acompañada polo alcalde, José Antonio García, e varios membros da corporación local. Arias valorou “o importante papel que desempeñan as prazas de abastos para dinamizar o comercio de proximidade” das vilas, ofrecendo “produtos de calidade e un servizo máis personalizado para os clientes”.

ESFORZO DO CONCELLO PARA REMOZAR A PRAZA DE ABASTOS

A delegada territorial da Xunta en Lugo destacou o impulso realizado nos últimos meses polo Concello para a renovación da praza de abastos de Sarria, na que, ademais dunha mellora das súas instalacións, incrementouse o número de postos existentes. Neste sentido, Raquel Arias animou aos veciños a realizar tamén as súas compras na praza e fixo fincapé nos máis xoves, para que poidan valorar as vantaxes que posúen este tipo de comercios.•

Deixa unha resposta

Your email address will not be published.

Nova Anterior

Os socialistas de Chantada donaron 2.000 euros en alimentos para familias necesitadas do concello

Seguinte Nova

Completados os traballos de acondicionamento no centro urbano de Sober

Últimas noticias sobre ECONOMÍA

   
A %d blogueros les gusta esto: