Ciclo de conferencias no IES A Pinguela a cargo de profesores da Universidade de Santiago

Un momento da conferencia do profesor José Edelstein sobre «¿Por qué la noche es oscura?», no IES A Pinguela, dentro do programa «A Ponte: Ensino Medio-USC». (Foto cedida).

Do 13 ó 31 de xaneiro, o IES A Pinguela de Monforte acolleu un ciclo de conferencias de diversa temática, impartidas por profesores da Universidade de Santiago de Compostela, en colaboración co programa «A Ponte: Ensino Medio-USC». Bioloxía, física, economía, matemáticas, lingua e historia son os temas sobre os que xiraron as conferencias ás que asistiron os alumnos e alumnas do centro monfortino, temas tratados dende un punto de vista moi próximo á nosa realidade actual e ás nosas inquedanzas. O día 13, o profesor Manuel Lemos, da Facultade de Bioloxía, falou sobre «Os microorganismos, amigos ou inimigos?», e o profesor Francisco Dubért, da Facultade de Filoloxía, disertou sobre «Un paseo polos dialectos do galego». Xa o 16, o tema foi «A orixe e as consecuencias sociais da crise económica», a cargo do profesor da Facultade de Económicas Jaime Barreiro.

O profesor José Edelstein participou no ciclo de conferencias impartidas por ensinantes da Universidade de Santiago no IES A Pinguela de Monforte. (Foto cedida).

O 21, a conferencia versou sobre «Por qué la noche es oscura?», impartida polo profesor José Edelstein, da Facultade de Física, e o 23, o profesor Israel Sanmartín falou sobre «A histora medieval e a historiografía como ferramentas para entender como se constrúe a realidade». O ciclo remata o venres 31, coa conferencia «Matemáticas útiles, matemáticas bellas», que imparte o profesor Leovigildo Alonso, da Facultade de Matemáticas.•

 

Deixa unha resposta

Your email address will not be published.

Nova Anterior

A Praza de Abastos sarriana, espazo para a dinamización local

Seguinte Nova

A gastronomía lucense e os novos produtos turísticos da Ribeira Sacra, presentes na última edición de FITUR

Últimas noticias sobre CULTURA

Maika Makovski

Unha das actuacións estelares do 17º Ribeira Sacra Festival Onte arrincou unha nova edición do 17º

A %d blogueros les gusta esto: