O BNG de Sober presentou unha moción para que na Feira do Viño só se venda viño propio da Denominación de Orixe

A finais deste mes, o concelleiro do Bloque Nacionalista Galego en Sober, Óscar Alonso Díaz, presentou unha moción ante o Concello reclamando un regulamento cara á venda de viño nos postos de comida que se instalen en Sober durante a fin de semana de celebración da Feira do Viño de Amandi. Según explica Alonso Díaz, «non pode ser que os días nos que se resalta o produto máis importante do municipio, e que constitúe un dos pulmóns económicos das nosas xentes, o Concello permita que se venda viño que non sexa o propio da Feira. O concelleiro nacionalista en Sober puntualizou que en moitos postos de xantar ofrécese «un viño de peor calidade, entrando en competencia co propio da Denominación o día da súa festa». Alonso Díaz sinalou que «é a organización quen ten que lexislar para que isto non suceda, e así os viticultores e adegueiros de Sober sairán beneficiados».