O grupo municipal do Partido Popular en Monforte solicitou un informe ó servizo de Intervención Municipal no que se indique se o incremento de ingresos que representa a prórroga do tipo 0,60 do IBI correspondente ó exercicio 2014 supera, e en que contía, o importe do incremento previsto do canon de Sogama. A voceira popular, Julia Rodríguez Barreira, entende que, de ser suficientes estes recursos, o Goberno local podería destinar o importe recadado do IBI a sufragar o incremento do canon de Sogama “de xeito que non repercuta nos veciños de Monforte”.
“PARA QUE A SUBA DE SOGAMA NON REPERCUTA NOS VECIÑOS DE MONFORTE”
Dende o Grupo Popular reclaman tamén coñecer “a repercusión económico-financieira que pode traer consigo o impago das cantidades que lle corresponde abonar a Sogama en concepto de canon pola xestión e tratamento dos residuos urbanos”. Os populares lembraron que o canon será de aplicación salvo que se teña remitido acordo en contra no prazo de dous meses dende a entrada en vigor da lei orzamentaria “sen que no caso de Monforte haxa constancia de tal acordo”.•
