• Quiroga comezou o ano coa inauguración da renovada rúa Real, centro neurálxico da vila, logo dunha serie de traballos de mellora e acondicionamento das dúas marxes da principal arteria urbana. Para a realización destas obras, o Concello de Quiroga contou con axudas da Consellería de Economía e Industria por importe de máis de 225.000 euros. A remodelación das beirarrúas, que ademais se ampliaron en varios puntos; a redistribución e ampliación da capacidade das prazas de aparcamento; e a renovación de diversos puntos de alumeado público contribúen a crear un entorno urbano máis humanizado.•
