Portomarín, Taboada e Antas participaron do programa de Iluminación Pública do Inega
O conselleiro de Economía e Industria, Francisco Conde, visitou este mes o municipio de Portomarín, para coñecer os resultados do programa de Iluminación Pública do Inega, no que participan xuntos os concellos de Portomarín, Taboada e Antas de Ulla. Esta cooperación municipal fixo posible un aforro dun 80% na factura eléctrica destes tres concellos. Así, a actuación suporá un aforro na factura eléctrica anual da agrupación de case 40.000 euros nas rúas beneficiadas, e un aforro enerxético de case 185.000 KWh/ano. Deste xeito, impúlsase á cooperación municipal ó tempo que “se contribúe ó aforro enerxético dos concellos nunha das partidas máis destacables, xa que a iluminación pública supón, de media, case o 70% do consumo eléctrico dunha localidade”. •
