Aberta unha liña de axudas de ata o 50% para apertura de novos establecementos comerciais

Co obxectivo de impulsar o emprendemento e a creación de emprego no comercio de proximidade, a Consellería de Economía e Industria publicou no Diario Oficial de Galicia do 4 de febreiro esta orde de axudas, dotada con 500.000 euros. Os beneficiarios recibirán ata un máximo de 10.000 euros para cubrir ata o 50% dos custos do acondicionamento dos novos locais comerciais, a mellora da imaxe exterior dos mesmos, e o impulso das novas tecnoloxías da información e da comunicación, facilitando deste xeito aos comercios unha mellor atención ao público co fin de incrementar as súas vendas. As axudas primarán ós solicitantes en situación de desemprego, o exercicio da actividade en municipios de menos de 5.000 habitantes, e o asociacionismo comercial.•