«Cooperativas de Galicia», agora en Youtube

A Consellería de Traballo e Benestar puxo en marcha este mes unha canle propia para as cooperativas galegas na plataforma YouTube, o almacén videográfico máis importante na internet. Esta canle leva o nome das «Cooperativas de Galicia», cabeceiro adaptado ao deseño das redes sociais da campaña «Anímate a emprender! Cooperativízate!», e o lema explicativo: «A canle de vídeos do cooperativismo galego». A páxina preséntase con preto de cen vídeos que reflicten a capacidade e diversidade da economía social galega. Según explicaron os responsables de Traballo, esta ferramenta pretende agrupar e dinamizar a videoteca do cooperativismo galego para facela accesible desde calquera dispositivo, en calquera punto xeográfico e en calquera momento. As posibilidades de promoción multiplícanse porque Youtube rexistra mil millóns de usuarios mensuais no mundo e é o sitio web líder de audiencia en España. O obxectivo desta canle é, según explican dende a Consellería, converterse nunha lanzadeira audiovisual dos principios, produtos e servizos das cooperativas galegas, e nun espazo onde poñer en valor as iniciativas de emprendemento, innovación, internacionalización e formación do modelo cooperativista, que xa conta con 90.000 socios e socias en Galicia.•

Deixa unha resposta

Your email address will not be published.

Nova Anterior

O IES A Pinguela, 4º clasificado para a final da V edición do Parlamento Xove 2014

Seguinte Nova

Un calendario sobre o románico de Pantón e Saviñao para promover a Ribeira Sacra como Patrimonio da Humanidade

Últimas noticias sobre ASOCIACIONISMO

     
A %d blogueros les gusta esto: