Ata o 2 de marzo pode verse na Capela de Santa María en Lugo e na sala de exposicións do Centro de Artesanía e Deseño (CENTRAD) a mostra “Tear, tecidos e teceláns”, que recolle 51 pezas, entre teares, instrumentos propios do oficio e traballos realizados con esta técnica. O presidente da Deputación, José Ramón Gómez Besteiro, destacou na inauguración desta mostra “a importancia dunha tradición que nos define e identifica como provincia”, e fixo entrega das distincións que recoñecen como “Artesán de Honra da provincia de Lugo” a un total de once teceláns lucenses.
Cargando ...
