Menos trámites para cambiar a titularidade dos vehículos

A Axencia Tributaria de Galicia e a Dirección General de Tráfico asinaron un convenio de colaboración, con validez dende o 3 de febreiro, para o intercambio e a cesión mutua de información a efectos tributarios, e así os contribuíntes galegos terán que facer menos trámites neste procedemento. A Axencia Tributaria obterá do Registro General de Vehículos a información necesaria para practicar a liquidación do Impostos sobre Transmisións Patrimoniais (ITP), e unha vez liquidado este imposto xerará un Código Electrónico de Transmisións (CET) que se lle entregará ao cidadán. Con isto, o contribuínte só terá que facilitar este código á DGT no momento de solicitar o cambio de titularidade de vehículo, en lugar de levar o xustificante en papel. A DGT solicitará un código válido ao cidadán, e unha vez verificado procederá ao cambio de titularidade e á emisión dun novo permiso de circulación.