O IES A Pinguela, 4º clasificado para a final da V edición do Parlamento Xove 2014

Javier Díaz Sánchez, Andrea López Otero, Lucía González Rodríguez e Alicia Dapena Pérez, son os componentes do grupo que participaron recentemente na V edición do Parlamento Xove, na fase correspondente á ESO, celebrada no Pazo de Mariñán, en A Coruña. Nesta iniciativa que organiza anualmente a Dirección Xeral de Xuventude e Voluntariado da Consellería de Traballo e Benestar, o equipo do IES A Pinguela, formado por alumnos de 4º ESO, obtivo o 4º posto entre os 21 equipos participantes ó gañar os tres debates celebrados contra o Centro Educativo Galén de Lugo, o CPI Conde de Fenosa de Ares e o Colexio Filipense Sagrada Familia de Vilagarcía. Estes catro centros disputarán a final do V Parlamento Xove, que se celebrará no Parlamento de Galicia o vindeiro 26 de abril.•