A rodaxe realizarase na primeira quincena de marzo
O Pazo de Tor servirá de escenario para a rodaxe das escenas principais do filme “A esmorga”, adaptación cinematográfica da gran novela de Eduardo Blanco Amor, obra referencial dentro da narrativa galega. O anuncio desta iniciativa, que conta co apoio da Área de Cultura da Deputación de Lugo, realizouse a finais de xaneiro nas instalacións de Tor, pertencentes á Rede Museística Provincial, coa presencia do alcalde, Severino Rodríguez, o delegado de Cultura da Deputación, Mario Outeiro, o director da película, Ignacio Vilar, e os actores protagonistas, Miguel de Lira, Antonio Durán “Morris”, e Karra Elejalde.
A RODAXE EN TOR, “EXCELENTE ESCAPARATE PARA O TURISMO”
A gravación da película “A Esmorga” en Tor supón, según o delegado de Cultura da Deputación, “non só un enriquecemento para todos os lucenses desde un punto de vista cultural” ó apoiar as películas rodadas na provincia, , “senón tamén para o turismo, ó servir de excelente escaparate para xoias do patrimonio histórico-artístico lucense como o Pazo de Tor”, unha das mostras máis interesantes da arquitectura pacega de Galicia.•
