Dende o 8 de febreiro e ata o 8 de marzo, a Delegación da zona sur da Asociación Provincial de Empresarios de Hostelería de Lugo está a desenvolver o Estase Cocendo, que xa vai pola súa sexta edición. Como novidade deste ano, os organizadores sortearán entre os participantes nas xornadas gastronómicas do cocido un porco de 100 quilos da devesa dos Formigueiros, da Asociación Prodeme.
ÓSCAR PEREIRO, PADRIÑO DAS XORNADAS
Todos os establecementos hosteleiros da Ribeira Sacra lucense integrados nesta iniciativa ofrecerán a veciños e visitantes a posibilidade de comer ou cear un bo cocido, ó tempo que participan nas festas de Entroido que se celebran nas diferentes localidades, co aliciente de que poden levar para a casa un porco de regalo, se o sorteo lles é favorable. En canto á tradicional imaxe do Estase Cocendo, este ano as xornadas gastronómicas estarán apadriñadas polo deportista e comentarista Óscar Pereiro.•
Cargando ...
