•Desenvolverase o domingo 16 de febreiro •A marcha partirá ás 10 da mañá do estacionamento do Parque dos Condes •A inscrición custa 9 euros, que se aboarán no momento da salida

O domingo día 16 de febreiro celebrarase en Monforte de Lemos a I Xornada de sendeirismo consciente, organizada pola Fundación Mundonatura. Según informaron dende o Concello de Monforte, a actividade está dirixida ó público en xeral que busque disfrutar dunha xornada de sendeirismo diferente. A combinación de natureza, sendeirismo e ioga realizarase co obxectivo de aprender a arte de vivir en harmonía con un mesmo, integrando unha parte meditativa e deportiva, con outra lúdica e de pracer, realizadas en plena natureza. O sendeirismo consciente defínese como unha forma de camiñar diferente, con momentos nos que se camiña practicando a meditación en movemento, conscientes da respiración, do corpo e das diferentes sensacións físicas. Durante as frecuentes paradas realízanse exercicios de respiración e relaxación para activar os centros enerxéticos e previr o estrés. A ruta comezará ás dez da mañá dende o estacionamento do Parque dos Condes. Máis información sobre esta actividade en deportes@concellodemonforte.com, ou ben nos teléfonos 982 875 430 e 982 875126.•