As Merendas con Contos que se celebran durante todo o curso na Biblioteca Municipal de Sober adican as sesións do mes de febreiro á preparación do Entroido.
COMPADRES, COMADRES E MÁSCARAS
Os obradoiros desenvólvense no horario habitual dos venres, a partir das 17,30 horas, e os máis cativos traballan na elaboración de compadres e comadres así como de máscaras con materiais de reciclaxe. Para a elaboración de compadres e comadres, empregarase a técnica do papel maché, unha técnica artesanal de orixen oriental baseada no tratamento da pasta de papel. Unha vez elaboradas as cabezas das figuras, nenos e nenas poderán decoralas cos rostros dos seus personaxes favoritos.
HOMENAXE A ROSALÍA
Dende a Biblioteca informaron de que o 21 de febreiro celebrarán un ano máis un homenaxe a Rosalía de Castro no aniversario do seu nacemento, o día 24, coa lectura de diversos poemas desta escritora universal.•
