Sober amosou a súa riqueza gastronómica na Feira Xantar 2014

Esta cita gastronómica a nivel internacional celebrada en Expourense foi visitada por 20.000 persoas

A delegada territorial da Xunta en Lugo, Raquel Arias, e o alcalde de Sober, Luis Fernández Guitián, brindan na clausura da feira gastronómica internacional Xantar 2014. GPXG.
A delegada territorial da Xunta en Lugo, Raquel Arias, e o alcalde de Sober, Luis Fernández Guitián, brindan na clausura da feira gastronómica internacional Xantar 2014. GPXG.

O Concello de Sober participou cun stand propio no XV Salón Internacional de Gastronomía e Turismo Xantar 2014, que se celebrou en Ourense do 5 ó 9 de febreiro. A última sesión da mostra estivo adicada ó municipio soberino, e os visitantes puideron participar ó mediodía nunha degustación de viño de Amandi e galo de corral por cortesía dos Concellos de Sober e Vila de Cruces. O rexedor soberino, Luis Fernández Guitián, destacou a oportunidade que supuxo esta mostra para “dar a coñecer Sober e axudar na promoción da XXXIV Feira do Viño de Amandi”, que se celebrará os días 12 e 13 de abril. No stand promocional do Concello de Sober déronse a coñecer os folletos sobre os nove miradoiros do municipio, así como a guía con todas as adegas da localidade adscritas á Denominación de Orixe Ribeira Sacra. Os visitantes recibiron ademais todo tipo de información sobre a oferta hosteleira, artesanal e monumental de Sober.•

Deixa unha resposta

Your email address will not be published.

Nova Anterior

Os máis cativos preparan o Entroido na Biblioteca de Sober

Seguinte Nova

Monforte mellora na xestión do lixo, cunha redución do 2% en 2013

Últimas noticias sobre ECONOMÍA

A %d blogueros les gusta esto: