Volven os Mercados temáticos de Monforte

A nova temporada dos Mercados de Monforte comezou o pasado 8 de febreiro na Praza de Abastos, cun mercado adicado ós produtos recollidos, elaborados ou envasados na Ribeira Sacra. EC
A nova temporada dos Mercados de Monforte comezou o pasado 8 de febreiro na Praza de Abastos, cun mercado adicado ós produtos recollidos, elaborados ou envasados na Ribeira Sacra. EC

Os Mercados de Monforte volven con forza este ano, cunha frecuencia mensual e as mesmas señas de identidade dos pasados mercados, baseados na calidade, variedade e a aposta polo comercio local e os produtos autóctonos do sur lucense. Así, a primeira cita no Espazo Central da Praza de Abastos, lugar que acolle estes mercados temáticos, celebrouse na fin de semana do 8 e 9 de febreiro, tendo como protagonistas ós produtos recollidos, elaborados ou envasados na Ribeira Sacra. Os días 15 e 16 deste mes celebrarase un Mercado da Oportunidade, organizado polo Concello en colaboración co comercio local, e a fin de semana do 22 e 23 o CCU organizará un Mercado de Voda e Comuñón. Como adianto, dende o Concello de Monforte informaron de que en marzo celebraranse catro mercados, adicados á Muller Creativa (coincidindo co Día Internacional da Muller Traballadora), o mercado da Ribeira Sacra, o Chocolate Paixón, e o Mercado Deportivo, que coincide coa Carreira Popular de Monforte. Xa en abril, desenvolveranse os mercados Ribeira Sacra, Party Line, Feira Medieval e Calzado Tradición.

Calidade, sabor e tradición caracterizan ós produtos recollidos, elaborados ou envasados na Ribeira Sacra. EC.
Calidade, sabor e tradición caracterizan ós produtos recollidos, elaborados ou envasados na Ribeira Sacra. EC.

A PRAZA DE ABASTOS, “UN ESPAZO DE REFERENCIA” NA DINAMIZACIÓN LOCAL

A concelleira de Promoción Económica, Mª Xosé Vega Buján, explicou que o primeiro obxectivo desta nova temporada dos Mercados de Monforte é celebralos todas as fins de semana, debido ós resultados das “experiencias positivas” de anos anteriores, e para convertir a Praza de Abastos “nun espazo de referencia”. O segundo obxectivo dos Mercados de Monforte para este ano busca dar un protagonismo mensual ó comercio local é os produtos da Ribeira Sacra. “Cada mes haberá un mercado adicado ó comercio local, e outro á Ribeira Sacra”, ademais dos “mercados temáticos sobre produtos variados e atractivos”. Vega Buján destacou asimesmo que os Mercados de Monforte pretenden este ano introducir “o mundo creativo, un mundo moi amplo que pode abarcar dende a artesanía ata a fotografía e o audiovisual”.

Ademais, os mercados que se programen estarán vinculados a algunha actividade significativa que se desenvolva ese mes na cidade, como a Feira Medieval ou a Carreira Popular. A concelleira de Promoción Económica destacou que xa hai preto de 60 comerciantes e produtores de Monforte e da Ribeira Sacra que participan con regularidade nestes Mercados. Os Mercados de Monforte desenvolveranse os sábados en horario de 10 a 14 horas, e de 17 a 20 horas, mentres que o domingo funcionarán en horario de mañá, de 10 a 14 horas.•

Deixa unha resposta

Your email address will not be published.

Nova Anterior

A comarca de Sarria celebra a VI Festa do Cocido do Porco Celta de Sarria

Seguinte Nova

Máis fondos europeos para mellorar a inserción laboral

Últimas noticias sobre ASOCIACIONISMO

   
A %d blogueros les gusta esto: