A Peña Barcelonista organiza para o 21 de marzo o acto central do seu 10º aniversario

A Peña Barcelonista Val de Lemos está a conmemorar con diversas actividades o seu décimo aniversario. Así, o acto central deste programa conmemorativo terá lugar o 21 de marzo ás 20,30 horas na Casa da Cultura de Monforte, cun coloquio sobre «Barcelonismo e Historia», no que participarán Carlos Reixach, Quique Costas e José Mª Fusté. Dende a Peña Barcelonista de Monforte están pendientes de confirmar a presencia no coloquio de Lobo Carrasco. Previamente, o Alcalde de Monforte, Severino Rodríguez, ofrecerá ás 19,30 unha recepción oficial á comitiva barcelonista na Casa do Concello.

CEA NO RESTAURANTE DON MANUEL

A xornada do 21 de marzo rematará cunha cea no Restaurante Don Manuel, na que poden participar todos os aficionados da Ribeira Sacra, sexan ou non membros da Peña Barcelonista. O prezo do plato é de 25 euros, e as reservas poden realizarse chamando ós teléfonos 696 62 79 91 e 686 65 17 23. Nesta cea presentarase oficialmente unha exposición de fotos e material diverso sobre os dez anos da Peña Barcelonista. Esta mostra poderá verse a partir do día 22 de marzo no local social deste colectivo, situado nos baixos das Galerías San Antón, na rúa Ourense número 7.•

Deixa unha resposta

Your email address will not be published.

Nova Anterior

A Deputación de Lugo ofreceu á de Ourense sumarse ó autobús promocional da candidatura Ribeira Sacra

Seguinte Nova

3.560 corredores participaron nas dúas edicións do Circuíto Leader Ribeira Sacra de Carreiras Populares

Últimas noticias sobre ASOCIACIONISMO

     
A %d blogueros les gusta esto: