•O trazado definitivo marca a entrada da autovía no municipio de Quiroga máis preto do núcleo de San Martiño •Dentro da comarca de Quiroga quedan sete puntos de acceso á A-76
O 8 de febreiro, o ministerio de Fomento publicou no Boletín Oficial del Estado a aprobación do expediente de información pública e a aprobación definitiva do Estudo Informativo da Autovía A-76, no tramo comprendido entre Ponferrada e Ourense.
TRAZADO RECOLLIDO NO ESTUDO DEFINITIVO
Según este documento, a entrada desta autovía ó municipio de Quiroga sería fóra da N-120, máis preto do núcleo de San Martiño, para continuar polo novo trazado ata o cruce de Peites. Deste xeito, o vial salva o túnel de Montefurado por un novo trazado por riba do núcleo dos Covallos, según se contemplaba na opción número tres do estudo previo. O trazado definitivo fai volve a desviarse o vial da N-120 a altura de Sequeiros, onde cruzaría o Sil e continúa polo municipio de Ribas do Sil, por riba de San Clodio, cruzando outra vez o río Sil entre o Nocedo e Rairos para saír a través dun túnel a Santa Andrea, incluíndo a opción número dous dos estudos previos. Dende ese punto, a autovía duplicaría o trazado da N-120 ata a saída do municipio de Quiroga.
ACCESOS DENDE QUIROGA Á A-76
Deste xeito, dentro da comarca de Quiroga quedarían sete puntos de acceso á A-76. O primeiro estaría á altura do actual cruce de Peites na N-120, o seguinte situaríase no cruce de Bendollo. Os restantes accesos emplazaríanse á altura de Sequeiros, San Clodio, o Nocedo, o Freixeiro e Paradela do Lor.
PARA COÑECER O MAPA DO TRAZADO
O mapa do estudo informativo definitivo da Autovía A-76 ao seu paso polo noso municipio, pódese consultar xa na Casa Consistorial de Quiroga.•
