A área de Cultura do Concello de Quiroga está a retomar o programa de Ocio Saudable, que dende o 25 de febreiro recupera as visitas semanais ó Balneario de Augas Santas, en Pantón. Este ano, o programa de Ocio Saudable poderá disfrutarse durante o mes de marzo. A saída cara ó Balneario será ás 16,30 horas, para regresar ás 20 horas.
ACTIVIDADES PARA O DÍA DA MULLER TRABALLADORA
Por outra banda, o Centro de Información á Muller (CIM) de Quiroga está a ultimar diversas actividades para celebrar o Día da Muller Traballadora, o sábado 8 de marzo. A primeira das actividades será ás 12 horas do sábado, na Casa do Concello, onde se procederá á entrega de diplomas ós participantes na obra de teatro “Avós, nunca é tarde”, e terá lugar a presentación do III Plan de Igualdade entre homes e mulleres. A segunda das actividades será unha cea, na que poden participar todas as mulleres da comarca de Quiroga.•