Os alcaldes protestarán pola suba da taxa de Sogama con peches e concentracións en Compostela

Os concellos contrarios á suba do canon acordaron medidas conxuntas de protesta

O movemento municipalista pide abrir vías de diálogo coa Xunta sobre o "desmesurado" incremento da taxa que os concellos deben pagar a Sogama, e critican que se teña aprobado de xeito unilateral. EC
O movemento municipalista pide abrir vías de diálogo coa Xunta sobre o «desmesurado» incremento da taxa que os concellos deben pagar a Sogama, e critican que se teña aprobado de xeito unilateral. EC

O 18 de febreiro celebrouse en Chantada unha xuntanza de alcaldes e representantes municipais contrarios á suba do canon de Sogama, que a Xunta vén de aprobar de xeito «unilateral», e que obriga ós municipios a asumir para este ano un incremento «desmesurado» da taxa polo tratamento dos residuos sólidos urbanos. A reunión contou coa presencia dos alcaldes de Ribadavia, O Barco de Valdeorras, Pedrafita do Cebreiro, Chantada e Monforte, e a do voceiro de Anova no concello de Chantada. Este movemento municipalista vén solicitando á Xunta de Galicia abrir vías de diálogo para resolver a cuestión da taxa a Sogama, e con este fin representantes deste movemento, que agrupa a preto dun centenar de concellos galegos, mantiveron o día 11 deste mes unha reunión cos dirixentes da Federación Galega de Municipios e Provincias (Fegamp). Na reunión, os alcaldes lembraron que xa propuxeran un reparto do incremento do 33,5% entre a Xunta e os concellos, e que non estaban dispostos a asumir imposicións sobre a suba do canon, planteando como resolución deste conflicto a negociación sobre o reparto desta nova carga impositiva.

PROTESTAS ADMINISTRATIVAS E TAMÉN NA RÚA

Diante da negativa da Xunta a manter calquer tipo de diálogo, a reunión do día 18 en Chantada rematou cun acordo para solicitar á Fegamp que presente un recurso contencioso-administrativo contra a suba do canon. Ademais, os concellos contrarios á nova taxa van presentar un recurso contencioso administrativo e, mentres este non se resolva, acordaron pagar o prezo actual do canon e depositar no xulgado o diñeiro correspondente á diferenza entre a taxa actual e o novo canon de Sogama. Por outra banda, no encontro de Chantada, os concellos lucenses contrarios á suba de Sogama acordaron mobilizarse para manifestar o seu rexeitamento. Alcaldes e cargos electos concentraranse o vindeiro 11 de marzo diante do Parlamento de Galicia, e solicitarán ós deputados que se unan á súa reivindicación. Posteriormente, acordarán unha data para concentrarse diante da sede da Xunta de Galicia, onde ademais realizarán peches rotatorios. Asimesmo, estes rexedores lucenses acordaron comezar a traballar conxuntamente na procura de alternativas a Sogama para a xestión do lixo dos concellos galegos.

A DEPUTACIÓN ESIXE A RETIRADA DESTA SUBA

Esta semana, o Pleno da Deputación de Lugo aprobou, co voto en contra do Grupo Popular, unha moción na que se esixe a retirada da suba do canon de Sogama «por ter carácter recadatorio e por ser unha imposición unilateral que atenta contra a autonomía local”. Na moción esixen ó presidente da Xunta “que inicie un diálogo cos Concellos galegos que permita obter unha solución consensuada sobre o prezo do tratamento de residuos».•

Deixa unha resposta

Your email address will not be published.

Nova Anterior

Fomento aproba o estudo informativo do tramo da A-76 entre Ponferrada e Ourense

Seguinte Nova

O comercio de Sarria entregou os premios da Campaña de San Valentín 2014

Últimas noticias sobre ASOCIACIONISMO

     
A %d blogueros les gusta esto: