Representando a La Fraternal no XV Circuítos Culturais da Federación Galega de Círculos e Casinos

O pasado 2 de marzo, a Coral Renfe ofreceu un concerto na igrexa parroquial de Escairón, dentro do programa de actos dos XV Circuítos Culturais da Federación Galega de Círculos e Casinos. A Coral Renfe representou á sociedade monfortina La Fraternal, cun concerto integrado por quince pezas de diferentes estilos, baixo a dirección de Antoaneta Evdosieva Grudeva. Os Circuítos Culturais teñen como obxectivo mobilizar os grupos corais e de danza das sociedades que integran a Federación Galega de Círculos e Casinos, á que pertencen, entre outras, o Círculo Saviñao e La Fraternal de Monforte. Estas actividades están financiadas pola Federación Galega e polas propias sociedades culturais e recreativas participantes.•