A Plataforma Sarriana polo Río denunciou o proxecto de encauzamento ante Cultura e Medio Ambiente

•O colectivo alertou de “infraccións na protección ó Camiño de Santiago”, e “danos irreparables” no medio ambiente •Presentou tamén escritos diante da Consellería de Cultura e da de Medio Ambiente contra o proxecto da Confederación Hidrográfica Miño-Sil

Según a Plataforma, as obras de encauzamento do río Sarria suporían cortar o Camiño de Santiago durante 5 meses, ademais de danos medioambientais “irreparables” pola tala das árbores de ribeira. Arquivo EC
Según a Plataforma, as obras de encauzamento do río Sarria suporían cortar o Camiño de Santiago durante 5 meses, ademais de danos medioambientais “irreparables” pola tala das árbores de ribeira. Arquivo EC

O 5 de marzo, representantes da Plataforma Sarriana polo Río presentaron un escrito dirixido ó Conselleiro de Cultura no que denunciaban “graves infraccións da lexislación vixente en materia de protección do Camiño de Santiago cometidas pola Confederación Hidrográfica Miño-Sil no marco da execución do proxecto de encauzamento do río Sarria”. O colectivo argumenta, entre outras cuestións, que o expediente do proxecto non inclúe o obrigatorio estudo previo específico de afección sobre o territorio histórico do Camiño Francés. Ademais, suliñan que o proxecto contempla a eliminación do bosque de ribeira inmediato ó trazado xacobeo, “situado integramente dentro do ámbito do territorio histórico integrante do Ben de Interés Cultural (BIC)”, así como a destrución do estribo esquerdo da ponte medieval sobre a que discurre o itinerario xacobeo. Según isto, a Plataforma estima que, de seguir adiante, as obras “conlevarían a interrupción absoluta do tránsito polo Camiño de Santiago durante alomenos 5 meses, según o cronograma do plan de obra.”

Por outra banda, a Plataforma presentou cadanseu escrito diante da Consellería de Medio Ambiente e do Ministerio de Agricultura e Medio Ambiente denunciando que a Confederación Hidrográfica Miño-Sil puxo en marcha as obras de encauzamento sen esperar á resolución do preceptivo informe da Dirección Xeral de Conservación da Naturaleza da Consellería de Medio Rural. Por todo isto, dende a Plataforma Sarriana polo Río consideran “imprescindible” a paralización das obras.•

Deixa unha resposta

Your email address will not be published.

Nova Anterior

Retratos da natureza e fotos aéreas de Bóveda tomadas con dron por José Camilo López

Seguinte Nova

Bóveda acolleu as xornadas de actualización para persoal municipal de Dependencia

Últimas noticias sobre ASOCIACIONISMO

   
A %d blogueros les gusta esto: