O día 6, o equipo técnico que está a elaborar o anuncio promocional de Turgalicia achegouse a Sober para traballar na obtención de diversas imaxes do miradoiro de Santiorxo, recentemente renovado. O alcalde de Sober, Luis Fernández Guitián, acompañou ó equipo durante a filmación, e amosou o seu agradecemento a Turismo de Galicia por ter elixido emprazamentos da localidade para incluir na promoción da nosa Comunidade Autónoma.
A RIBEIRA SACRA E SOBER AMOSARANSE NO MUNDO ENTEIRO
Guitián destacou “a importancia de que o municipio vaia formar parte do anuncio e de todo o material promocional que elabore e distribúa Turgalicia”, posto que “será o mellor altofalante de todo o que Sober e a Ribeira Sacra teñen para ensinarlle ao mundo enteiro”. (Foto cedida).
