O grupo de alcaldes contrarios á suba do canon de Sogama iniciaron o seu calendario de mobilizacións para esixir ó Goberno galego que retroceda na súa decisión de aplicar o incremento, aprobado pola Xunta de xeito unilateral, na tarifa que os municipios deben pagar a Sogama pola recollida dos residuos sólidos urbanos.
GÓMEZ BESTEIRO APOIOU A CONCENTRACIÓN DE SANTIAGO
Na súa reclamación ás portas de O Hórreo, os alcaldes contaron co apoio da Deputación de Lugo na persona do seu presidente, José Ramón Gómez Besteiro, que estivo presente na concentración, e de varios deputados como os socialistas Vicente Docasar e Juan Carlos González Santín, así como do portavoz nacional do BNG, Xavier Vence, entre outros. Os representantes socialistas decidiron apoiar a concentración convocada polos alcaldes contrarios á suba do canon de Sogama “para pedir ó Goberno galego que deixe de enganar ós cidadáns porque esta suba débese, única e exclusivamente, á decisión do Goberno central de suprimir as primas para a xeración de enerxía renovable e á da Xunta de anular o plan do bipartito”. Critican que este aumento se deba “a unha decisión política”, que “obrigará ós lucenses a pagar un novo imposto de 1,7 millóns de euros ó ano, a maior suba da historia que experimenta a xestión do lixo”.•
