O mes de marzo comezou coa tradicional cita gastronómica de Taboada, que celebrou, a primeira fin de semana deste mes, a XXIII Festa do Caldo de Osos. Sabores e calidade déronse a man nos diferentes postos de produtos, para atender ó numeroso público que, anualmente, non esquece asistir á gran exaltación da gastronomía da comarca chantadina. O evento contou coa presencia de diversas autoridades, entre elas, a conselleira de Medio Rural e do Mar, Rosa Quintana, e da secretaria xeral de Igualdade, a chantadina Susana López Abella. •
