A Deputación de Lugo, a primeira en España en implantar cláusulas sociais nos contratos

O organismo provincial blindará por escrito os dereitos dos traballadores das empresas que presten servizos a esta institución

O presidente da Deputación de Lugo, José Ramón Gómez Besteiro, durante a rolda de prensa na que anunciou esta iniciativa. GPDL.
O presidente da Deputación de Lugo, José Ramón Gómez Besteiro, durante a rolda de prensa na que anunciou esta iniciativa. GPDL.

A Deputación de Lugo vén de anunciar esta semana a aplicación dun modelo de contratación socialmente responsables ás empresas que presten servizos a esta institución. Así o anunciou o mandatario provincial, José Ramón Gómez Besteiro, nunha rolda de prensa na que destacou que a Deputación de Lugo é a primeira de España en impoñer nos seus contratos de servizos cláusulas que defenden os dereitos dos traballadores, o que a sitúa como pioneira entre as administracións públicas de Galicia en aplicar estas cláusulas sociais.

«A DEPUTACIÓN DE LUGO PRIORIZA OS PROBLEMAS DAS PERSOAS E LOITA POR UN SISTEMA XUSTO E IGUALITARIO»

“A contratación pública é unha política pública máis, unha ferramenta para acadar os obxectivos que nos temos marcados como institución progresista que prioriza os problemas das persoas e loita por un sistema económico xusto e igualitario”, puntualizou Gómez Besteiro, quen suliñou que «a política non debe estar nas mesas de contratación, senón no deseño e control das políticas de contratación».

BLINDAR O NÚMERO DE EMPREGADOS E AS SÚAS CONDICIÓNS LABORAIS DURANTE A DURACIÓN DO CONTRATO

O mandatario provincial destacou o marco temporal no que se vai a aplicar este modelo de contratación socialmente responsable, en referencia á situación xeral de crise económica e precariedade laboral. “Cremos nun emprego de calidade apoiando ás empresas que o crean e porque así blindamos ós traballadores das firmas que prestan un servizo a esta institución», destacou Gómez Besteiro. Este modelo de contratación supón que o organismo provincial vai esixir por escrito como condicionante que a empresa garanta durante toda a relación contractual tanto o número de empregados, como as súas condicións laborais, tipo de contrato e soldo. Gómez Besteiro suliñou que con esta medida «impedimos que algunha empresa aproveite e se escuse en leis tan nefastas como a reforma laboral do Goberno central para vulnerar os dereitos dos traballadores en favor de despedimentos en precario”.

XA SE ESTÁN A APLICAR AS CLÁUSULAS SOCIAIS NOS PREGOS DE CONTRATACIÓN DO ORGANISMO PROVINCIAL

Estas cláusulas sociais están a ser introducidas pola Deputación de Lugo nos pregos de contratación de servizos, como xa sucede nos cinco pregos que están a ser tramitados para a contratación do servizo de vixilancia, limpeza, Centro de Atención ó Usuario (CAU), o proxecto europeo do Goberno Intelixente e a aula itinerante de formación. «Con estes pregos en concreto, a Deputación de Lugo xa está a blindar 83 postos de traballo», precisou o titular provincial.

VALORARASE O NÚMERO DE CONTRATOS INDEFINIDOS, AS PROPOSTAS QUE IMPLIQUEN MELLORAS LABORAIS OU SALARIAIS, E A CONTRATACIÓN DE TRABALLADORES CON DISCAPACIDADE

Según explicou Gómez Besteiro na súa intervención, as cláusulas sociais que a partir de agora se están a introducir nos pregos de contratación da Deputación de Lugo incorporan como criterio de valoración o número de traballadores con contrato indefinido das empresas que presenten oferta. Asimesmo, teranse en conta as propostas que impliquen unha mellora nas condicións laborais e salariais con respecto ó Estatuto dos Traballadores e ó convenio estatal vixente ou o que resulte de aplicación. Valorarase tamén a inserción de traballadores con discapacidade.

APLICACIÓN DA DIRECTIVA EUROPEA PARA IMPEDIR OFERTAS Á BAIXA A COSTA DOS GASTOS LABORAIS

Por outra banda, e tal e como obriga a lexislación estatal e autonómica, a oferta económica puntúa moi significativamente, pero novidade é que a Deputación non permitirá «baixadas desproporcionadas ou anormais» no prezo a costa de reducir en gastos laborais. Según precisou o mandatario provincial, con esta medida a Deputación de Lugo atende a Directiva 2014/24 da Unión Europea sobre Contratación Pública aprobada o pasado mes de xaneiro, que aínda non ten aplicación en España. En canto á execución do contrato, o modelo de contratación socialmente responsables obriga ás empresas a cumprir coas condicións laborais que ofertaron, en canto ó mantemento da plantilla, contratos indefinidos e soldos, entre outros aspectos, así como a manter as condicións económicas e sociais previstas no convenio estatal ou sectorial. Estas dúas condicións súmanse ós criterios que se viñan aplicando no caso dos servizos de vixilancia e de seguridade, nos que as empresas deben subrogar a tódolos empregados e respectar os dereitos laborais que tiveran recoñecidos na súa anterior empresa, incluída a antigüidade. O novo modelo de contratación socialmente responsable inclúe penalizacións por vulnerar estas cláusulas, e que poden supoñer incluso a resolución do contrato. As penalizacións poden variar entre un 3 e un 10% do orzamento do contrato, ou ser causa de prohibición para contratar coa administración A Deputación realizará «un seguimento rigoroso» do cumprimento destas condicións, esixindo ás empresas adxudicatarias que, xunto a cada factura, acrediten con documentación a relación de traballadores e o que cotizan por eles.•

Deixa unha resposta

Your email address will not be published.

Nova Anterior

A Deputación denuncia que a nova tarifa de Sogama fará pagar 19.500 euros máis de media anual ós concellos pequenos

Seguinte Nova

Monforte, capital do taekwondo lucense

Últimas noticias sobre ECONOMÍA

O prezo do leite

• Agromuralla e UCGAL monitorizarán os prezos do leite desde as granxas ate os puntos de

A %d blogueros les gusta esto: