O voceiro provincial socialista Manuel Martínez anunciou este mes que a Deputación de Lugo estará presente na Comisión de Seguridade Vial do Parlamento “para traballar en beneficio dos cidadáns” e estudar medidas encamiñadas ás redución da siniestralidade vial. Asimesmo, Martínez lamentou a “incomprensible negativa” de cargos do Goberno central con competencias en tráfico a tomar parte na mesma.
MARTÍNEZ: “JUÁREZ AMOSA FALLA DE MIRAS E CATEGORÍA POLÍTICA Ó IMPEDIR A PRESENCIA NA COMISIÓN DOS RESPONSABLE DE TRÁFICO EN GALICIA”
Según explicou o voceiro provincial, esta negativa foi comunicada ó Parlamento galego polo Delegado do Goberno en Galicia, Samuel Juárez, impedindo así a presenza en dita Comisión da Coordinadora da Dirección General de Tráfico en Galicia; do Tenente Coronel de Tráfico da Garda Civil e do Xefe de Demarcación de Carreteras del Estado en Galicia. Manuel Martínez destacou que “esta Comisión persegue un ben común, que é a redución dos sinistros nas estradas da Comunidade, e o feito de que o señor Juárez non sexa capaz de entendelo así, amosa falla de miras e de categoría política”.
“DENDE HAI SEIS ANOS, A DEPUTACIÓN DE LUGO RECUPEROU A NORMALIDADE DEMOCRÁTICA COLABORANDO CO PARLAMENTO COMO TODAS AS DEMAIS”
Martínez destacou a importancia de que as diferentes administracións tomen parte nestas Comisións para “intercambiar experiencias na xestión de estradas, non só co fin de mellorar a seguridade dos usuarios, senón para abordar outros asuntos de interese como a coordinación de actuacións ante emerxencias ou a axilización das tranferencias”. Martínez precisou que “esta actitude é a que mantemos sempre dende o Goberno provincial”, e lembrou que “a Deputación de Lugo, co anterior goberno, negábase a presentar os seus orzamentos no Parlamento galego para facilitar a coordinación interadministrativa, mentres que dende hai seis anos, a Deputación recuperou a normalidade democrática e colabora co Parlamento como todas as institucións provinciais”.•
