Profesores do Campus de Lugo solicitan que se “reconsidere e reoriente” o proxecto de encauzamento do río Sarria

O 17 de marzo, catro profesores da Escola Politécnica Superior de Lugo firmaron un escrito dirixido á Confederación Hidrográfica Miño-Sil no que se solicita que “se reconsideren e reorienten as actuacións previstas no proxecto de ordenación do cauce e marxes dos ríos Sarria e Celeiro ó seu paso pola vila xacobea.

TALA “MOI CUESTIONABLE E INXUSTIFICADA”

Este escrito, feito público pola Plataforma Sarriana polo Río e firmado polos profesores Mª Isabel Iglesias Díaz, Antonio Rigueiro Rodríguez, Santiado Lamosa Quinteiro e Guillermo Riesco Muñoz, considera “moi cuestionable e inxustificada a tala de exemplares dunha especie autóctona que está a desaparecer pola acción do fungo Phytophtora Alni”, polo que recomendan a conservación dos que estean en bo estado, como é o caso das árbores de Sarria. Asimesmo, consideran “fundamental” a protección da arboreda de ribeira “por tratarse de arborado urbano que contribúe a mellorar a calidade medioambiental da vila”. Asimesmo, os alisos son unha especie “tolerante á contaminación urbana e industrial”, o que os fai máis sostibles e medioambientalmente máis interesantes. En canto ós exemplares considerados non sustituíbles pola súa rareza, esixen un “detallado estudo que xustifique a súa eliminación”, debido ó “altos valores económicos” que poden chegar a alcanzar.

Ademais, os expertos universitarios consideran que as actuacións de encauzamento “van quedando anticuadas nas sociedades avanzadas”, e propoñen a realización dun inventario e estudio da arboreda existente nesta ribeira.•

Deixa unha resposta

Your email address will not be published.

Nova Anterior

Socialistas de Chantada e da Ulloa pedirán a implicación dos alcaldes do PP para que a Xunta implante esta sección da Escola de Idiomas

Seguinte Nova

O conselleiro de Cultura presentou a reedición do libro «Simboloxía do románico de Pantón», do chantadino Xosé Lois García

Últimas noticias sobre INFRAESTRUCTURAS

     
A %d blogueros les gusta esto: