Sober invita á XXXIV Feira do Viño de Amandi «dende o corazón dos viñedos»

Carlos Núñez lerá o pregón o domingo 13 de abril, e na víspera ofrecerá un concerto en Cadeiras

O alcalde de Sober, Luis Fernández Guitián, acompañado pola delegada territorial da Xunta en Lugo, a soberina Raquel Arias, e o pintor de Rosende Pepe Sanjurjo Mantilla, autor do cartel, presentaron “no corazón dos viñedos de Amandi” o programa da feira enolóxica decana da Ribeira Sacra.  GPDTL.
O alcalde de Sober, Luis Fernández Guitián, acompañado pola delegada territorial da Xunta en Lugo, a soberina Raquel Arias, e o pintor de Rosende Pepe Sanjurjo Mantilla, autor do cartel, presentaron “no corazón dos viñedos de Amandi” o programa da feira enolóxica decana da Ribeira Sacra. GPDTL.

A mediados de marzo foi presentado o programa de actos e o cartel conmemorativo da XXXIV Feira do Viño de Sober, que se celebrará o 12 e 13 de abril. O acto tivo lugar no “corazón dos viñedos de Amandi”, como destacou o alcalde de Sober, Luis Fernández Guitián, quen estivo acompañado pola delegada territorial da Xunta en Lugo, Raquel Arias, e o pintor de Rosende Pepe Sanjurjo Mantilla, autor do cartel deste ano. O artista creou unha panorámica de Sober desde a Praza do Concello ata os viñedos, sobre a que aparece a figura dun home que simboliza un falecido da vila que decidiu levar con el o viño de Amandi. “É tan imprescindible que ata aí se exporta”, ironizou o alcalde, que agradeceu a colaboración desinteresada do autor. Días antes, xa se dera a coñecer o nome do pregoeiro da trixésimo cuarta edición da Feira de Amandi. Carlos Núñez, o gaiteiro galego máis internacional, lerá o pregón o domingo, e na víspera ofrecerá un concerto íntimo no interior do santuario de Cadeiras. O Concello de Sober ten previsto habilitar autobuses desde a capitalidade, e os veciños de Sober teñen prioridade na adquisición das entradas.

ADEGA VIÑA PEÓN ABRIRÁ A FEIRA

O sábado 12 de abril ás 11,30 horas, as bombas de palenque darán inicio á XXXIV Feira de Amandi, e ás 12 terá lugar a apertura oficial a cargo da Adega Viña Peón, en lembranza do seu fundador, Florencio Rodríguez. A música tradicional estará presente ó longo de toda a xornada festiva, como é natural nunha vila con tanta tradición musical. A Banda de Sober ofrecerá un concerto ás 17 horas, e ás 19,30 horas comezará o concerto do gaiteiro Carlos Núñez no santuario de Cadeiras. Xa ás dez da noite, haberá un concerto na Praza do Concello, a cargo dos Festicultores. Mentres soa a música, ás 18,30 horas comezará a precata oficial dos viños participantes na Feira no Centro Sociocultural de Sober.

PREGÓN E PREMIOS O DOMINGO

O domingo 13 de abril comezará a festa ás 10,30 horas, co disparo de bombas de palenque na honra de cada adegueiro participante. A música ocupará boa parte da xornada matinal, coa actuación do grupo de música tradicional Érvedo, a charanga NBA, e pasarrúas a cargo da Banda de Sober. Xa ás once e media, comezará a cata oficial dos viños de Amandi. A esa mesma hora, celebrarase a misa solemne na igrexa de Sober, coa bendición de ramos. Ás doce e media terá lugar a recepción das autoridades na Casa do Concello, para continuar coa lectura do pregón a cargo do gaiteiro Carlos Núñez. A mañá rematará coa entrega dos premios ós adegueiros, e a Feira de Amandi pecharase cunha verbena, a partir das 19,30, a cargo da orquestra Los Satélites.•

Deixa unha resposta

Your email address will not be published.

Nova Anterior

Sober promociona a gran festa do seu viño durante o Mes do Amandi

Seguinte Nova

Máis de 1.000 atletas participaron na VI Carreira Popular de Monforte

Últimas noticias sobre ECONOMÍA

A %d blogueros les gusta esto: