•A III Carreira Popular de Ribas do Sil abriu o Circuíto Leader con 125 participantes •A vindeira proba será o 18 de abril, na X Carreira Popular Feira do Viño de Quiroga
O III Circuíto Leader Ribeira Sacra de Carreiras Populares iniciouse o pasado 23 de marzo, coa III Carreira Popular Concello Ribas do Sil, na que tomaron parte 125 atletas. A fin de semana seguinte, tivo lugar a VI Carreira Popular Concello de Monforte, que medrou en participación ó rexistrar 1.056 atletas. O efecto dinamizador que buscaba a proba monfortina conseguiu convocar a 426 corredores nas categorías menores, e 630 atletas na proba absoluta, sumando un total de 78 corredores máis que na pasada edición. O liderato no Circuíto na categoría masculina corresponde a Juan Antonio Gude Vila, do club Montepenarubia de Lugo, seguido de Luis Iglesias Raña, do club Atletismo Arenteiro de Leiro, e José Manuel Teijeiro Vila, do Monumental de Lugo. Pola súa banda, na categoría feminina lidera o Circuíto María Ferreiro Pérez, de Ourense, seguida por Begoña Gay Vázquez, do clube MTC y Hermanos Loures, de Lugo, e por Teresa Corral Marcos, do club Atletismo Monte Segade, de Lugo. A vindeira proba do III Circuíto Leader Ribeira Sacra será o venres 18 de abril, na X Carreira Popular Feira do Viño de Quiroga.•
