A partir da tempada 2015-2016 será preceptivo contar con este título para adestrar nas categorías de fútbol base
• A Concellería de Deportes de Monforte anunciou a apertura do prazo de inscrición para o curso de Monitor de Fútbol Base. Este curso, organizado polo Concello de Monforte e a Escola Galega de Adestradores de Fútbol, desenvolverase na cidade do Cabe a partir do 28 de abril e ata o 8 de xullo.
O PRAZO DE INSCRICIÓN ESTÁ ABERTO ATA COMPLETAR PRAZAS
A duración será de 65 horas lectivas, que se desenvolverán os luns e mércores de 20,00 a 23,00 horas. As sesións teóricas impartiranse no Pavillón de A Pinguela, e as clases práticas no Campo Luis Bodegas. O prezo do curso é de 150 euros, e requerirase dun mínimo de 30 alumnos. Os interesados poden informarse na Oficina Municipal de Deportes nas Casiñas da Compañía, de luns a venres de 9 a 14 horas. Dende a concellería de Deportes informaron de que a partir da tempada 2015-2016 será preceptivo contar con título para adestrar equipos federados ata a categoría cadete, agás a liga galega infantil, liga galega cadete e cadete división de honor. •
