O Pleno da Deputación aprobou por unanimidade esixir a devolución do “céntimo sanitario”

Pioneira en Galicia na reclamación deste importe

O pasado 1 de abril, o Pleno da Deputación de Lugo aprobou por unanimidade a proposta do Goberno provincial para recuperar o recadado ilegalmente co céntimo sanitario.

RECLAMARÁN QUE SE CUANTIFIQUE O IMPORTE QUE SE TEN QUE DEVOLVER, E QUE SE DEVOLVA “NO MENOR TEMPO POSIBLE”

Así, a Deputación instará á Axencia Estatal Tributaria a devolver o céntimo sanitario por ser un “ingreso indebido”, que o Tribunal de Xustiza da Unión Europea declarou ilegal. Ademais, o organismo provincial reclamará á Xunta de Galicia que cuantifique, de acordo coas asociacións de transportistas, cal é o importe do gravame susceptible de ser reembolsado, e esixirá a ó presidente da Xunta que inicie as xestións necesarias para garantir o reintegro do Imposto de Vendas Minoristas de Determinados Hidrocarburos “no menor tempo posible, clarificando as canles necesarias para solicitar o seu reembolso”. Por último, a Deputación pedirá a devolución dos máis de 90.000 euros que achegou a institución ó cobro deste gravame nos últimos anos.

APOIO DA INSTITUCIÓN PROVINCIAL ÁS REIVINDICACIÓNS DO TRANSPORTE DE MERCANCÍAS E VIAXEIROS

Cabe destacar que a Deputación de Lugo é a primeira de Galicia en pedir o reembolso do chamado céntimo sanitario. A finais do mes pasado, o mandatario provincial, José Ramón Gómez Besteiro, mantivo un encontro coa presidenta da patronal luguesa de transporte de mercancías, Carmen Castelao, e o presidente da patronal luguesa de transporte de viaxeiros, Luis Abeledo, para coñecer de primeira man as reivindicacións do sector, e amosarlles o apoio da Deputación ás súas peticións. Según precisou Carmen Castelao, un camión con 150.000 quilómetros ó ano pode recuperar unha media de 6.000 euros anuais pola devolución do “céntimo sanitario”. No caso do transporte de viaxeiros, o presidente da patronal luguesa precisou que o importe medio a devolver a cada un dos 5.000 vehículos que hai en Galicia ascendería a 3.000 euros.•

Deixa unha resposta

Your email address will not be published.

Nova Anterior

SARRIA CELEBRA A SEMANA SANTA

Seguinte Nova

A proposta inicial de delimitación do territorio da candidatura da Ribeira Sacra a Patrimonio da Humanidade poderá ser modificada

Últimas noticias sobre ECONOMÍA

A %d blogueros les gusta esto: