A exposición sobre a vida e a obra do paradelés Manuel Rodríguez López chegou ó Museo do Pobo Galego

•A mostra itinerante sobre o “poeta obreiro” arrincou en Paradela e puido verse en Lugo, Begonte, Sarria e Portomarín, e proximamente viaxará a Cataluña, onde Rodríguez López emigrara e onde desenvolveu a súa obra inspirada en Galicia

A mostra ‘Manuel Rodríguez López, emigrante galego, poeta obreiro’ foi inaugurada a comezos deste mes no Museo do Pobo Galego, nun acto presidido polo secretario xeral de Cultura, Anxo Lorenzo, e coa presencia da viúva do escritor, o alcalde de Paradela, e o presidente da Real Academia Galega, entre outros.  CECOU.
A mostra ‘Manuel Rodríguez López, emigrante galego, poeta obreiro’ foi inaugurada a comezos deste mes no Museo do Pobo Galego, nun acto presidido polo secretario xeral de Cultura, Anxo Lorenzo, e coa presencia da viúva do escritor, o alcalde de Paradela, e o presidente da Real Academia Galega, entre outros. CECOU.

A exposición itinerante que afonda na figura e na obra do escritor de Paradela ‘Manuel Rodríguez López, emigrante galego, poeta obreiro’ puido verse este mes no Museo do Pobo Galego. No acto de apertura, o secretario xeral de Cultura, Anxo Lorenzo, salientou o talento de Manuel Rodríguez ao servizo da difusión da cultura e da identidade galegas, e cualificou o proxecto expositivo como “unha merecida homenaxe” ao intelectual lucense e ao seu legado, desde a perspectiva dun escritor que observa, que sente e que expresa o esencial da súa cultura. No acto de inauguración tamén participaron o presidente da Real Academia Galega, Xesús Alonso Montero; o alcalde de Paradela, José Manuel Mato; a viúva do escritor, Irene López; e Antonio Giz, director de GaliciaDigital. A vida do intelectual queda reflectida na publicación dun libro sobre a súa traxectoria, en cuxa edición colaborou a Consellería de Cultura e Educación. O libro fai un percorrido pola historia deste emigrante que deixou un inmenso legado a través das súas obras poéticas ou en prosa, así como coa súa colaboración en diversos libros.

AUTOR PREMIADO

Rodríguez López sempre mostrou unha gran preocupación pola cultura e por Galicia, e durante a súa etapa vital en Cataluña desenvolveu un importante labor como cronista dos actos desenvolvidos na comunidade relacionados con Galicia. Manuel Rodríguez López recibiu numerosos premios, entre os que se atopan o de poesía Meigas e Trasgos de Sarria nos anos 1997 e 1980; o Xosé María Chao Ledo no III certame Literario de Vilalba, en 1977, e o primeiro premio do Certame Literario de Begonte en 1985, entre outros galardóns. Ademais, foi nomeado fillo predilecto de Paradela o ano no que faleceu (1990) e Lucense do ano 1989.•

Deixa unha resposta

Your email address will not be published.

Nova Anterior

Alertan das consecuencias da supresión de partidos xudiciais na nosa provincia

Seguinte Nova

Turismo de Galicia organiza en Monforte dous cursos sobre novas tecnoloxías para o sector turístico da Ribeira Sacra

Últimas noticias sobre CULTURA

     
A %d blogueros les gusta esto: