A Semana Santa rexistrou 3.890 consultas nas oficinas de Turismo da Ribeira Sacra

Neste periodo vacacional, a ocupación hoteleira na Ribeira Sacra foi do 82%

Imaxe dunha das actividades vinculadas ó Viñobús durante esta Semana Santa. (Foto cedida).
Imaxe dunha das actividades vinculadas ó Viñobús durante esta Semana Santa. (Foto cedida).

A Ribeira Sacra rexistrou un volume medio de ocupación hoteleira do 82% na Semana Santa, según o balance ofrecido polo Consorcio de Turismo Ribeira Sacra. Esta cifra corresponde ó cálculo medio das estancias hoteleiras realizadas entre o 14 e o 19 de abril. A maior afluencia de visitantes aloxados neste territorio rexistrouse o Venres Santo, cun 96% de ocupación, seguido polo Xoves Santo, cun 91%, mentres que o Sábado de Pascua a porcentaxe quedou no 84%.

MÁIS DE 4.000 USUARIOS DOS CATAMARÁNS DE XESTIÓN PRIVADA DA RIBEIRA SACRA

En canto ó tránsito de viaxeiros polas Oficinas de Turismo, o Consorcio contabilizou un total de 3.890 visitas, tendo como referencia as oficinas de Monforte de Lemos, Pantón, Castro Caldelas e San Pedro de Rocas, en Esgos. Por outra banda, os catamaráns de Santo Estevo e Belesar Presa, así como as embarcacións menores de Chancís, Quinta Sacra e Brandán, rexistraron un total de 4.145 prazas vendidas entre o 14 e o 19 de abril. Dende o Consorcio de Turismo Ribeira Sacra estiman acadar as 5.000 prazas unha vez se publiquen os datos de usuarios dos catamaráns de Doade e Belesar, dependentes da Deputación de Lugo.

CATAMARÁN, CANÓNS DO SIL E ROMÁNICO, O MÁIS CONSULTADO NA OFICINA DE TURISMO DE MONFORTE

A Oficina de Turismo de Monforte, situada nas dependencias do Centro do Viño, rexistrou un total de 486 visitantes, que amosaron especial interés polas viaxes en catamarán e os canóns do Sil. O románico da Ribeira Sacra foi o segundo aspecto máis consultado polos turistas neste punto de información durante a Semana Santa, aínda que tamén amosaron interés polas adegas visitables, o sendeirismo e a oferta xeral de actividades vinculadas ó turismo nesta zona.

En canto á procedencia dos consultantes, a Oficina de Turismo de Monforte atendeu sobre todo a viaxeiros procedentes de Asturias, País Vasco e Madrid. En canto ós visitantes galegos, foron os coruñeses e os pontevedreses os que prefiriron unha estancia de varios días na Ribeira Sacra, según os datos da Oficina de Monforte, mentres que lucenses e ourensáns optaron por viaxes dun día, con especial presencia no sábado 19 de abril, con ocasión da XII Feira Medieval de Monforte. A estancia media dos consultantes foi de dous a catro días, e os aloxamentos máis frecuentes foron os Paradores de Monforte e Santo Estevo, o Balneario de Augas Santas, e as casas de turismo rural. Dende a Oficina de Turismo de Monforte suliñaron que está a ser moi utilizada a área de autocaravanas situada no entorno fluvial cercano ó Edificio Multiusos.

Os peregrinos do Camiño de Inverno tamén pasaron pola Oficina de Monforte, como o caso dun italiano que comezou a ruta en Quiroga, ou o dunha parella asturiana que iniciou o traxecto en Monforte. Por outra banda, o paso de estranxeiros pola Oficina de Monforte foi constante, con presencia de visitantes ingleses, franceses, portugueses, italianos, suizos, brasileiros, turistas rusos e tamén de Malta. Por último, a Semana Santa deixou no Museo do Viño un total de 125 visitantes.•

Deixa unha resposta

Your email address will not be published.

Nova Anterior

A Plataforma Sarriana polo Río segue con actividades en defensa da natureza e o patrimonio histórico

Seguinte Nova

CONVENIOS DE COLABORACIÓN ENTRE MEDIO RURAL E TRES SOCIEDADES DE PESCA FLUVIAL DO SUR LUCENSE PARA A MELLORA DO ECOSISTEMA FLUVIAL

Últimas noticias sobre CULTURA

   
A %d blogueros les gusta esto: