A preselección comezará o 29 de abril, e o torneo disputarase o 14 e 15 de xuño

Un grupo de once rapaces da comarca de Sarria participarán no Torneo Internacional de Guerlèdan de fútbol, que terá lugar nesta localidade de Bretaña (Francia) o 14 e 15 de xuño. Este torneo congregará a 128 equipos procedentes de diversos países. Esta proba está organizada polo Concello de Mûr, na Bretaña, e a Asociación Jumelage Guerlèdan-Sarria, ademais de contar coa colaboración da Área de Deportes da Deputación de Lugo, o Concello de Sarria e a Asociación Irmandande Sarria-Guerlèdan. A preselección do grupo comarcal que participará neste torneo internacional comezará en Sarria o 29 de abril, para escoller un total de 20 xogadores, dos que sairá o equipo definitivo de 11 membros. A expedición sarriana partirá cara Bretaña o 11 de xuño, e regresará o día 17. Os xogadores irán acompañados por dous entrenadores e dous responsables de equipo.•