90.000 EUROS DO CANON PARA EQUIPAR O AUDITORIO CHANTADINO

A Deputación aprobou este investimento para a contratación de mobiliario e equipamento para esta infraestrutura de Chantada. Con cargo ó canon, a Deputación xa destinara 1 millón de euros para a construcción deste auditorio. Os cartos do canon tamén favorecerán a Paradela, que recibirá 130.000 euros. A Deputación acaba de aprobar esta partida para novas actuacións acordadas co alcalde paradelés, en base ás demandas dos veciños e ratificadas pola Xunta de Goberno. As obras consistirán no acondicionamento de accesos en Sesmonde, Vilabite e de Cortes ó cruce de Pacios, con 48.800 euros; acondicionamento de accesos en Bacorelle-Vilachá e de Cerxedo-Zouro-Matanza, por importe de 36.400 euros; e tamén melloraranse os accesos Riocabo da Cima e San Martín de Castro, por valor de 45.000 euros. Esta inversión pon fin á débeda do canon que o organismo provincial arrastraba co Concello de Paradela.