Aforro de 50.000 euros anuais nos gastos correntes gracias á administración electrónica

A Deputación de Lugo acadou un aforro de case 50.000 euros nos gastos correntes no último ano gracias á posta en marcha da administración electrónica. A e-administración permite realizar máis de 50 trámites administrativos, tanto a empresas como a particulares e outras administracións, de xeito telemático. O ano pasado, xestionáronse por esta vía un total de 2.100 expedientes administrativos, nos que se asinaron telematicamente outros tantos documentos, a través de 1.808 entradas na sede electrónica da Deputación, á que se pode acceder dende a web www.deputacionlugo.org.
A e-administración permite ós cidadáns realizar telemáticamente, dende o seu dispositivo electrónico e sen desprazamentos, diversos trámites, como solicitar información e inscribirse en calquera das accións formativas da Deputación de Lugo, trasladar queixas ou suxerencias, concertar cita previa cos distintos departamentos, ou informar de incidencias na rede viaria, entre outras posibilidades. Para as empresas, as vantaxes da e-administración fan posible realizar en calquer momento e dende calquer lugar a tramitación para obter as marcar LugoSabe e Lug02, sumarse á web de comercio electrónico www.losproductosdelugo.com, ou tramitar as facturas gracias ó sistema de factura electrónica, que permitiu reducir o tempo de pago a proveedores a unha media de 8,9 días dende que se conforma a factura ata o seu abono.•

Deixa unha resposta

Your email address will not be published.

Nova Anterior

Cinco concellos do sur lucense reciben un adianto de 660.000 euros da Deputación dentro do Plan de Emprego

Seguinte Nova

A Deputación de Lugo é a que menos débeda ten de Galicia

Últimas noticias sobre ECONOMÍA

   
A %d blogueros les gusta esto: