O 7 E 8 DE XUÑO, III XORNADAS DE PORTAS ABERTAS NA RUTA DOS VIÑOS DA RIBEIRA SACRA

Durante a presentación desta iniciativa, a conselleira de Medio Rural lembrou que Galicia produce máis de 44.000 toneladas de uva ao ano e 360.000 hectolitros de viño, cun valor económico que supera os 150 millóns de euros. Rosa Quintana explicou que «estes datos son a demostración palpable do compromiso dos produtores, dos colleiteiros e dos adegueiros coa mellora constante na elaboración, comercialización e promoción destes caldos”. Precisou tamén que o obxectivo destas rutas dos viños é que “os consumidores actuais e potenciais poidan visitar e coñecer de primeira man as adegas, as uvas, a súa elaboración e como se segue o proceso ata chegar ás nosas mesas”. Nestas xornadas poderán facerse visitas guiadas e gratuítas ás adegas, cun programa especial de actividades para a fin de semana: catas comentadas, visitas a museos do viño, rutas monumentais, paseos en barca, trens turísticos, descontos en aloxamentos e outras accións.•