41 CENTROS EDUCATIVOS LUCENSES BENEFICIÁRONSE DOS ARRANXOS EXECUTADOS POLA CONSELLERÍA DE EDUCACIÓN

Según explicou Raquel Arias, a Consellería de Cultura e Educación investiu preto de 730.000 euros en reformas e reparacións en 41 centros de ensino de toda a provincia. Arias suliñou que máis do 50% destas obras xa están executadas, e o resto estarán rematadas antes do comezo do vindeiro curso. Os traballos de mellora consisten e nsubstitución de cubertas, reformas de pavillóns, comedores ou aseos, ou de reparacións xerais e inspeccións de instalacións. No sur de Lugo, xa están completadas as reformas e melloras realizadas no CEIP A Gándara de Monforte, o CEIP de Samos, a escola infantil e no CEIP Fray Luis de Granada de Sarria. A delegada do Executivo galego en Lugo lembrou o compromiso da Xunta de “ofrecer unha educación pública de calidade e moderna, tanto nos contidos e ferramentas de aprendizaxe como no que se refire ao estado das instalacións”.•