A CONSELLEIRA DE SANIDADE ALERTOU Á MOCIDADE SOBRE OS EFECTOS NEGATIVOS PARA A SAÚDE DOS CIGARROS ELECTRÓNICOS

A titular de Sanidade participou recentemente na entrega de premios do concurso educativo para a prevención do tabaquismo «Clases sen Fume», e aproveitou o evento para chamar a atención dos mozos e mozas galegos sobre os riscos dos cigarros electrónicos, pola gran repercusión social que están a ter na actualidade. A conselleira de Sanidade, Rocío Mosquera, dirixiuse ós máis novos para advertilos de que «na publicidade destes produtos, queren vendernos o seu consumo como algo inocuo para a saúde, sen embargo isto non é así, vós xa sabedes os efectos que ten a nicotina no organismo, por iso debedes estar moi alerta e ben informados para que non vos poidan manipular”. Nesta edición 2013-2014 do programa «Clases sen Fume» participaron un total de 4.157 escolares, pertencentes a 182 aulas e 73 centros educativos de toda Galicia.•