A Xunta destina preto de 97.000 euros ás asociacións de comerciantes do sur de Lugo

Rolda de prensa da delegada territorial da Xunta en Lugo, Raquel Arias, e o xefe territorial de Economía e Industria, José Manuel Vázquez Leirado, na que deron conta das axudas da Consellería de Economía e Industria ás asociacións de comerciantes do sur de Lugo. GPDTL.
Rolda de prensa da delegada territorial da Xunta en Lugo, Raquel Arias, e o xefe territorial de Economía e Industria, José Manuel Vázquez Leirado, na que deron conta das axudas da Consellería de Economía e Industria ás asociacións de comerciantes do sur de Lugo. GPDTL.

• A Xunta de Galicia vén de aumentar as axudas ás asociacións de comerciantes da zona sur de Lugo para accións de dinamización do comercio local. A delegada do Executivo na nosa provincia, Raquel Arias, acompañada polo xefe territorial de Economía e Industria, José Manuel Vázquez Leirado, deu conta das achegas que vén de resolver este departamento autonómico, e que destinan un total de 96.647,04 euros para a revitalización e dinamización dos centros comerciais abertos de Chantada, Sarria e Monforte, así como para a asociación de comerciantes da Praza de Abastos de Sarria. Según explicou Arias, estas agrupacións reciben preto do 45% do total destinado a esta provincia.
Esta liña de axudas servirá para “impulsar accións de dinamización da demanda” no comercio local, que, según precisou a delegada territorial, “é o que máis preto está dos veciños, colabora na sostibilidade e no pulso das vilas, e ó que, polo tanto, aféctalle o que nelas ocorra”.
Estas axudas permitirán que os centros comerciais abertos e prazas de abastos beneficiadas desenvolvan 27 actuacións de dinamización comercial, sistemas de fidelización de clientes, sinalización comercial externa, unidades xerenciais e instalacións e equipamentos, estes últimos nas prazas de abastos.
Raquel Arias aplaudiu o labor das asociacións de comerciantes “constantemente preocupados por subir o listón e por mellorar a calidade, atención e o servizo ós consumidores”.•

Deixa unha resposta

Your email address will not be published.

Nova Anterior

Graduación do alumnado de 2º Bacharelato do IES Daviña Rey

Seguinte Nova

Concentracións no sur de Lugo para reclamar un referendum sobre a representación do Estado

Últimas noticias sobre ASOCIACIONISMO

     
A %d blogueros les gusta esto: