O domingo 1 de xuño tivo lugar na sede desta sociedade en Escairón a inauguración da mostra pictórica «Catro médicos pola Ribeira Sacra». Esta exposición recolle traballos de catro galenos nados na provincia de Lugo e vinculados a estas terras. Leopoldo García Méndez, Pablo Galego Feal, Jesús Vázquez Gallego e Tino Cuesta compoñen este grupo de médicos lucenses unidos pola creatividade e a paixón polos pinceis. Tres destes artistas estiveron presentes na inauguración, coa ausencia de Cuesta, que estaba a participar nunha bienal de pintura en Italia. Durante a presentación da mostra no Círculo Saviñao, o periodista Paco Rivera Cela destacou a radical diferencia de estilos entre os catro creadores, e glosou a importancia da actividade do Círculo Saviñao para a dinamización cultural deste concello, dinamización que tamén repercute moi positivamente en toda a contorna da comarca de Terra de Lemos. (Foto cedida).•
Cargando ...
